Duit Bayar RM218,00 Sebulan Dipelanja 1MDB Ngagai Tony Blair!

Batang berita dalam The Sunday Times bekaul enggau dagang PetroSaudi

Batang berita dalam The Sunday Times bekaul enggau dagang PetroSaudi

Suratberita London The Sunday Times udah ngeluarkan sebuah cherita ti nusui pasal PM menua UK ke dulu suba, Tony Blair udah diupah PetroSaudi International RM218,000 ($65,000) sebulan, nyengkaum ‘bayar ke pemujur pengawa’ 2% ba atas transaksyen ti dikereja iya.

Kompeni PSI ti dipelanja ngena utang menua manggai bebilion-bilion dollar dari wang turu pemansang Malaysia, 1MDB lalu bedau ngeluarka sebarang penerang dikena nunjukka penguntung ti nyengala dalam timpuh nya.

Iya nunjukka pekara kira-kira ‘gaji’ taun RM2.6juta ke PM Britain ke dulu suba nya, semua nya ngena duit ari wang turu 1MDB.

Mayuh jaku bantah dikenataika ti madahka Blair udah bechampurka pengawa iya ti nyadi sanding penemu Timur Tengah enggau kaul iya dalam pengawa dagang minyak ke ungkup iya empu.

Berita dalam The Sunday Times ti baru tu ngayanka sebuah penerang pasal pekara dagang ti dikumbai orang “duit dikena ngemanahka kaul dagang”.

Batang berita dalam The Sunday Times – tang duit belanja nya datai ari menua Malaysia

Batang berita dalam The Sunday Times – tang duit belanja nya datai ari menua Malaysia

Sarawak Report ulih ngamatka penerang ti madahka kontrak entara kompeni enggi Tony Blair enggau Petro Saudi International nya udah dipejuraika dalam taun 2010, bedau tentu lama udah bekau kompeni minyak ti nyelai nya bisi nerima duit belanja US$1.7bilion dari wang turu ‘pemansang’ 1MDB.

Tang, kompeni nya udah madah ngagai suratberita The Sunday Times, pengawa dagang nya udah tembu beberapa bulan udah nya.

Siti ari salin surat kontrak enggau PSI nya udah ditiriska ngagai Sunday Times ari siku orang ti semak bendar enggau Tony Blair lalu surat nya nerangka tinjau ti silik ke dalam pengawa dagang Tony Blair nyengkaum dua buah kompeni iya, Firerush enggau Windrush.

Disadang dikena ngulihka duit ti mayuh ngengkaum gaji bulan $65 ribu SEBULAN!

Disadang dikena ngulihka duit ti mayuh ngengkaum gaji bulan $65 ribu SEBULAN!

Kontrak nya, baka ti udah diterangka ba laman web pasal utai ti patut dikereja Tony Blair ke kompeni ti enda temu tuku.

Iya udah ngena pengaruh iya enggau kontrak iya ngiga pengawa dagang ti baru dikena iya beranakka puku dalam PSI, lebih agi di menua China enggau menua adap ke asia.

Terma dagang engga kompeni Tony Blair – ngaga pengelala ke PSI

Terma dagang engga kompeni Tony Blair – ngaga pengelala ke PSI

Pekara ti ngenyitka ati iya nya Tony Blair minta diri dibayar sebengkah “bayar ke pemujur pengawa” ba penyampau 2% ari atur bebayar ke sebarang pemujur dagang ti dibantu iya ke sebarang kompeni, sekali ke iya nyadi sanding penemu tauka pemujur kelala.

Enggau penyampau bayar ti besai bendar dalam dagang minyak nya, untung ari sempekat nya mega besai bendar ke siku orang politik ti dipaduka nyadika pengari atur bebaik di Timur Tengah.
Bisi siti agi pengawa Blair ti nyengala bendar dalam pengawa dagang tu. Iya udah ngena nama sebuah kompeni ti bedau dikelala, ti begunaka penerang nama kebuah wang turu ari Malaysia ti ditagaka dikena di menua tasik nya patut diperanakka ngena siti portfolio aja.

Putera Turki nya anak lelaki ke-7 Raja Aarab Saudi – nama kebuah iya balalaika kaul iya empu dalam kompeni PSI?

Putera Turki nya anak lelaki ke-7 Raja Aarab Saudi – nama kebuah iya balalaika kaul iya empu dalam kompeni PSI?

Kaul entara PSI enggau perintah Arab Saudi udah ngujungka Blair nyadi malu, enggau Blair dipaduka mangku pengawa ulih perintah US, Rusia, EU enggau Gerempung Bansa ti ngarika sida di pelilih menua adap kia.
Penuduk nya udah ngayanka iya dituduh bebalutka batang pengawa iya enggau pengawa dagang lalu bejalaika dagang nengali ngena penuduh menteri iya.

Ke bendar iya, dalam maya perintah Malaysia nguji ngayanka PSI nya bisi status ofisyel di menua Arab Saudi, kaul kompeni nya enggau perintah Malaysia lebih chundung meri penguntung ke sekeda orang siku-siku.

PetroSaudi udah ditumbuhka anak raja Arab Saudi, Putera Turki bin Abdullah bin Abdulaziz, ti nyadika kaul ti sensitif.

Ke bendar iya, Sarawak Report ulih ngamatka pasal kompeni nya dikena ngelalaika nama Putera Turki kenyau ari taun 2009/10 suba.
Tu udah bekau puku ti diperanakka bebilion-bilion dollar ulih 1MDB lebuh maya Tony Blair udah diupah ngelakuka kompeni nya.

Pengawa nguji ngelalaika kaul Putera Turki nya ulih dipeda ari ubah ba penerang laman web ofisyel kompeni nya.

Dalam bulan Sepuluh 2009, laman web PSI udah nerangka pasal batang pengawa sida dalam sukut About Us ti madahka PSI udah ditumbuhka Putera Turki enggau bakih iya Tarek Obaid, rambai jaku nya udah dipadamka.

Utai ti disebut sida dalam taun 2009

Utai ti disebut sida dalam taun 2009

Ba bulan Duabelas 2009 kompeni nya madahka sida ditumbuhka semina Tarek Obaid aja.

Ubah tu diayanka dalam bulan Duabelas 2009

Ubah tu diayanka dalam bulan Duabelas 2009

Lalu dalam bulan Sepuluh 2010 udah nya, udah pemutus pengawa dagang enggau Blair ditanggam, kompeni nya sekali agi ngubah jaku penerang sida, ti madahka kompeni sida ditumbuhka lima taun udah nya dalam 2005 ulih Tarek Obaid. Tu lalu nyadika penerang pasal kompeni sida nyentuk ke diatu.

Diatu kompeni nya pulai 5 taun biak baru!

Diatu kompeni nya pulai 5 taun biak baru!

Tang, udah ti mujur dibantaika pengawa belalai nya, kompeni baru di Malaysia lalu terus nuliska repot pasal kaul sida enggau Putera Turki, ba sebengkah pengawa ti dikena matak orang bansa Melayu ngaga kaul enggau Perintah Arab Saudi.

Sekumbang kaul dagang enggau bala raja Arab Saudi sebilik ti kaya raja ti endang dikerinduka Malaysia, penerang pasal pekara nya udah dikeenggaika orang di menua bukai, enggau Tony Blair ti enda engkeman dalam kaul nya.
Ari tinjau Malaysia bisi bendar pengirau ati orang mayuh nama kebuah duit ti ngemayuh nya udah dikena mayar Tony Blair, ti diinjau perintah Malaysia ti endang ditagaka dikena melanja pengawa pemansang di Malaysia empu.

Bala pemerati udah mansutka pengirau ati sida sebedau taun 2010 suba ti madahka PetroSaudi nadai ngembuan sebarang rekod sebedau duit ari wang turu 1MDB nya diisi kia kena bulan Semilan 2009. ‘Dagang kunsi entara menua Arab Saudi-Malaysia’ nya udah dipadahka ngagai orang mayuh ulih Menteri Besai nyadika 60% dipelanja PSI ngena ungkus $1.5bilion. Tang enda lama udah nya dagang nya ditemu nerima duit tunai ari 1MDB.

Nyentuk ngagai bulan Satu 2010, kompeni PSI lalu bedau bisi sebarang opis di nengeri London

Nyentuk ngagai bulan Satu 2010, kompeni PSI lalu bedau bisi sebarang opis di nengeri London

Nya udah ‘nerangka’ PSI udah meri ngagai pengawa dagang kunsi minyak di Tasik Kaspia nyadika syer iya – tang lisin nya lalu bedau ditukuka agi.

Lebuh 1MDB meri timbal jaku ngagai kutuk orang mayuh ba taun 2010 enggau chara ti pansut ari pengawa dagang nya lalu nyual ‘syer’ sida ke PSI, terang bendar 1MDB nya nyali duit ke PSI dikena sida mansutka diri. Dalam taun 2011 sekali agi duit nya dijali 1MDB ngagai PSI.

Duit ari wang turu 1MDB ti dikeluarka nyadi gaji ke Tony Blair nya udah dipelanja enggau chara belalai ke guna ti enda ditemu pun tauka ujung, ukai ke guna pemansang di menua Malaysia.

Rekod dagang PSI di menua Switzerland ke taun 2009 nunjukka kompeni tu semina bisi 100,000 Francs Switzerland dalam wang turu dagang kunsi iya, jauh kurang ari pemesai gaji ti diagihka ngagai kaban politik British nya.

CHF 100,000 wang turu ke PSI ini

CHF 100,000 wang turu ke PSI ini

Nyerumba nya, PSI UK terang bendar direjista nyadika sebuah kompeni ba bulan Dua tahun 2009.

Rekod kompeni ke taun nya nunjukka kunchi kira-kira ti enda manah ke pengawa ti patut dikereja, operasyen entarabansa bebilion-bilion dollar laban puku diperanakka dalam pemansang Malaysia ti semina beberapa minggu udah nya.

Penguntung £548,120 – PSI dikumbai kompeni “mit” dalam bulan Dua 2009

Penguntung £548,120 – PSI dikumbai kompeni “mit” dalam bulan Dua 2009

Pansut siti jaku tanya, nama kebuah 1MDB mutuska penemu ngengkahka semua duit jali $1.7bilion ke dalam kompeni nya enam bulan udah nya?

Orang mayuh engka bisi enda nemu pasal kompeni nya. Tang PM Najib Razak, ti nguasa penuh atas 1MDD nyadi Menteri Pekara Wang enggau Pengerusi Penyanding Penemu tentu iya lebih nemu agi.

Tang, lebuh maya ti nginjau duit nya dalam bulan Semilan 2009, Menteri Besai enggau 1MDB Malaysia udah ngaga penerang ti betandu pasal kompeni, ti nyengala bendar ngasuh orang saru penemu, meransang bala pengarang berita awakka ngumbai PetroSaudi nya “kompeni enggi perintan Arab Saudi” tauka abis enda pan dikena ngulihka sukung ari perintah Arab Saudi.

PetroSaudi – sebuah kompeni enggi perintah menua Arab Saudi? {Suratberita The Edge 14/12/2009)

PetroSaudi – sebuah kompeni enggi perintah menua Arab Saudi?

Pekara tu enda nagang Najib ti deka bendar ngena tiap peluang ti madahka dagang kunsi nya nyadika siti sempekat entara dua buah menua.

Ba siti berita ofisyel 1MDB kena 30hb Semilan 2009 ti ngaku PSI nya sebuah kompeni ti udah diberi “pechaya” ari menua Arab Saudi dikena “meranakka puku dagang ti tau dikena ngerapitka kaul entara Perintah Arab Saudi enggau menua bukai ti besai-besai di serata dunya”.

PSI nadai ngembuan sebarang status ti ofisyel dikena beranakka puku ke menua Arab Saudi.

Penerang dalam berita 1MDB udah nesatka runding bala pengarang berita ti ngumbai status ofisyel PSI di Arab Saudi

Penerang dalam berita 1MDB udah nesatka runding bala pengarang berita ti ngumbai status ofisyel PSI di Arab Saudi

Penerang ari Najib lebih ngasuh runding orang charut agi, ti ngumbai PSI nya dipelanja 60% ari dagang kunsi ngena $2.5bilion.

Ba maya ngelancharka dagang kunsi nya Najib nyebut menua Malaysia udah beranakka puku $1bilion lalu PSI, $1.5bilion lalu sempekat udah ditanggam.

Taja pan PSI nadai ngembuan sebarang kaul enggau Arab Saudi, Najib endang besedia madahka pengaga ati diri enggau chara ti ngerichau.

Screen Shot 2014-11-08 at 09.36.54 Screen Shot 2014-11-08 at 09.36.54 Udah nya Najib nemuai ke menua Arab Saudi enggau ati ti gaga lalu jaku iya nyebut pasal pemanah kaul dagang dua arus lalu kenu ku iya mujur ngulihka duit menua Timur Tengah dipasukka dikena pemansang di Malaysia.
Tang keengka iya duit bebilion-bilion ti diperanakka dalam dagang kunsi enggau PSI nya diinjau atas nama bala pemayar chukai menua kelimpah ari ti dikena beranakka puku ke pemansang pelilih menua ti mit-mit.

Udah tentu bisi sebengkah bala orang ti untung ari pengawa dagang kunsi ti enda ditemu tuku nya.

Taja pan menua Malaysia baka ti bisi bulih untung ari sempekat nya, PSI dipeda udah ngerembaika pengawa dagang wang tunai sida ti kaya enggau bemacham bansa puku di Venezuela enggau Afrika.

Iya mega ulih mayar upah bala orang baka sida Tony Blair dikena ngangkatka pengarap orang enggau peluang iya bedagang – semua nya ba penyampau RM218,000 sebulan!

PEDA ENGGAU SILIK DALAM THE SUNDAY TIME KLIK DITU

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments