KPMG – Jurukira Tauka Penipu?

Dagang kunsi udah ‘ditetapka’ ulih kepala KPMG di Malaysia empu, Ahmad Nasri Bin Abdul Wahab

Dagang kunsi udah ‘ditetapka’ ulih kepala KPMG di Malaysia empu, Ahmad Nasri Bin Abdul Wahab

Sarawak Report diatu udah bulih penerang, ti nunjukka pala jurukira ari kompeni kira-kira KPMG ti endang patut bekereja ngatika diri udah mantu 1MDB ngeluarka penerang ti pelesu ke timpuh bup kira-kira sida ti ditutup ba ujung bulan Tiga 2010 nyin kemari.

Atur nuliska repot kira-kira nya enda ulih diterima lalu pengawa nya ngelanggar adat kira-kira ti nyengkaum bebai ngereja penyalah enggau cara matak haribulan ba sekeda surat penerang ti ditunjukka dalam repot kira-kira sida nya, nyengkaum ulah ti masuk champur ngubah sempekat ti endang ditanggam 1MDB jauh dulu ari nya.

Udah ti tembu meresa penerang tu, Tony Oua ari penyakal DAP madahka ngagai Sarawak Report repot kira-kira nya udah nunjukka KPMG ditemu mantu 1MDB ngelalaika sekeda isi dalam sempekat asal ti ditanggam entara wang turu nya enggau kompeni PetroSaudi.

Ngena chara ti salah tu, munyi ku Tony Pua, bala pengurus dalam wang turu udah mujur ngelalaika penerang beguna pasal USD$700 juta ari USD$1 bilion ti diperanakka nya udah dipansutka ari dagang kunsi nya.

Ditetapka lalu disain baka bakih iya dalam KPMG

Ditetapka lalu disain baka bakih iya dalam KPMG

Orang ti bukai ti udah nyain bup akaun nya iya nya Kepala Eksekutif 1MDB Shahrol Halmi, ti udah besumpah ngaku semua isi penerang nya betul memagang, siti jaku tuduh ti udah ditemu bula diatu.

Ke lebih agi ba Repot Taun ti tembu kena 31hb Tiga 2010 ti nunjukka dagang kunsi enggau PetroSaudi nya udah ditanggam bah ari ti ke penudi timpuh kira-kira – ti ke bendar iya enda betul.

CEO 1MDB udah besumpah madahka penerang kira-kira nya betul magang

CEO 1MDB udah besumpah madahka penerang kira-kira nya betul magang

Tony Pua udah nya minta awakka Ernst & Young ti kala bekereja ke 1MDB sebedau ti ngambi KPMG, engka icha sida tau meri penerang mimit ke pasal pekara ti agi kelabur dia.

CEO 1MDB Shahrol Halmi – tang sekali ke iya ngatur semua utai ti benung nyadi nya?

CEO 1MDB Shahrol Halmi – tang sekali ke iya ngatur semua utai ti benung nyadi nya?

Kompeni Ernst & Young udah nyerahka penuduk sida nyadi jurukira ke terubah, meri awak enggau ruang ngagai kompeni ti nukar sida, KPMG.

Atur ngelepaska pengawa nya udah muka jaku sangka orang mayuh ti belabaka sida nya udah enggai netapka akaun ti diperesa sida nya.

Penyaru runding nya endang bepugu ba akaun 1MDB ba senentang 31hb Tiga 2010 nya mega bepugu ke haribulan endur siti sempekat ditanggam.

Bala jurukira dalam KPMG udah madahka dagang kunsi enggau PetroSaudi nya udah diubah nyadi atur duit injau Murabaha ba hari ti penudi timpuh kira-kira nya dipejalaika.

Repot Taun 1MDB ti tembu ke 31hb Tiga 2010

Repot Taun 1MDB ti tembu ke 31hb Tiga 2010

Ngena kereban tu bala jurukira udah mujur numpuka perati sida ngagai repot ti ngundan sempekat duit jali Murabaha, ti patut nyadika penembu timpuh belanja, enggau enda meri sebaarang penerang ba sempekat dagang kunsi ti dulu agi ari nya.

Jeragan ke pengawa ti dikereja nya orang kaya Jho Low

Jeragan ke pengawa ti dikereja nya orang kaya Jho Low

Ke bendar iya USD$700 juta duit bala pemayar shukai nya udah dikeluarka ari wang turu nya udah dipelalaika.

Tang Sarawak Report udah mujur ngeluarka surat penerang ti nunjukka duit ti dikeluarka nya PetroSaudi ari 1MDB belalauka terma-terma sempekat duit jali ti ditanggam kena 14hb Enam 2010 – iya nya beberapa bulan udah tembu timpuh kira-kira nya.

Udah nya pansik kami udah ngamatka leka jaku Sempekat Dagang Sama (SSA) ti disebut KPMG udah kala dipejuraika lalu dituliska enggau manah-manah udah haribulan 31hb Tiga 2010 nya ngelebus.

Komiti ti udah netapka SSA nya lalu bedau bisi nyentuk ngagai ujung bulan Enam 2010, udah bekau beberapa bulan bejurai, ti endur bala jurukira udah ngereja pengawa ngelui ari atur pengawa sida ti bendar ti endur sida nuduhka penemu ngambi ngubah haribulan dalam surat-surat penerang, nyadika pengawa sida nguji bejalaika peresa sida.

Reti nya atur pengawa ke bendar nya udah dipejalaika enggau PetroSaudi ba maya timpuh kira-kira nya tembu ti mengkang ba dagang kunsi lalu agi mayuh isi patut dituliska ke dibaca orang mayuh lalu ukai semina ngundan beberapa leka jaku baka ti dikeluarka jurukira.

Brian Chia ari kompeni Wong & Partners – ninggalka sekeda ubah ke raban jurukira ti nukar sida

Brian Chia ari kompeni Wong & Partners – ninggalka sekeda ubah ke raban jurukira ti nukar sida

Sarawak Report udah mujur bulih sekeda surat penerang enggau perambu SSA lalu mega Duit Jali Murabaha, ti nunjukka sempekat nya semina udah ditumbuhka bala bakih dagang sida ba tengan bulan Tiga 2010.

Perambu surat penerang ke semua bagi dalam sempekat nya, nyengkaum SSA nya empu benung digaga manah agi lalu diubah raban bala lawyer 1MDB, ulih Wong & Partners (siku ari kaban sida ti benama Brian Chia) ba semanjai bulan Empat 2010, udah tembu timpuh kira-kira.

Ubah ke udah nya dikereja ba SSA ulih Kepala Pemesai Atur Beranakka Puku Dagang 1MDB, Nik Faisal, nyentuk ke 22hb Lima 2010, iya dua bulan udah tembu sempekat nya patut ditanggam.

Asil ari jurai ke ubah nya udah dikereja jurukira KPMG ari luar ti patut bekereja ngatika diri – lalu Nik Faisal udah madahka bala orang ti udah bekelala enggau iya dalam PetroSaudi tau enda ibuh ngena lawyer bekaul enggau pekara tu.

Nik Faisal Ariff Kamil – “enda ibuh nganjung tu ngagai bala lawyer kitai, manah agi nuan mutarka tu”

Nik Faisal Ariff Kamil – “enda ibuh nganjung tu ngagai bala lawyer kitai, manah agi nuan mutarka tu”

Munyi ti udah diterangka Nik Faisal ti madahka bala jurukira (KPMG) madahka ngagai iya sida enda setuju nyain asil audit nya enti iya enda ngubah sempekat nya. Jaku bala jurukira nyasalah ba undang-undang pengawa dagang, ti nunjukka siti kebuah Nik Faisal madahka sida enda ibuh mai bala lawyer lalu nejuka Patrick Mahony ari kompeni PetroSaudi ngaga ubah.

PEDA SURAT RESOLUSYEN RABAN LEMBAGA Taja pan sempekat tu bedau ditanggam kena 9hb tang ubah ba SSA mengkang agi dipejalaika

Agi mayuh diputarka dalam bulan Lima

Agi mayuh diputarka dalam bulan Lima

Lalu deraf ti penudi mengkang bedau dikeluarka nyentuk ngagai minggu ke terubah ba bulan Enam taun nya.

Semua tu ngujungka 14hb Enam nya dituliska nyadika maya surat-surat dikeuarka ulih PetroSaudi nya besenutuk ba konteks dokumentasyen nya.

Akaun-akaun ti bendar nya udah disain kena 4hb Sepuluh, mimit laun ari haribulan iya tembu ba bulan Semilan 2010 nya.

Semina siti penyelai ti pansut iya nya jaku tuduh dalam kereja kira-kira KPMG iya nya SSA udah tembu diperesa kena 31hb Tiga, iya nya hari ke penudi dalam taun kira-kira ti diperesa sida.

Penetap ulih PetroSaudi madahka atur pengawa nya bedau dipejalaika nyentuk ngagai 14hb Enam 2010

Penetap ulih PetroSaudi madahka atur pengawa nya bedau dipejalaika nyentuk ngagai 14hb Enam 2010

Lawyer UK Alison Weal madahka duit injau nya enda nitihka atur duit jali Muharaba – iya semina nyadika pengias aja

Lawyer UK Alison Weal madahka duit injau nya enda nitihka atur duit jali Muharaba – iya semina nyadika pengias aja

Pekara nya nyadi penekan ba semua piak ti bisi bekaul, nyengkaum 1MDB ti udah saum nyadika sempekat nya diubah nyadi duit jali Muharaba, tang atur nya semina pengias aja.

Ba pun atur pengawa tu (iya nya ba bulan Empat), dia siku lawyer UK ari kompeni White & Case, London, Alison Weal, udah nyungkak siti pekara ba Pengarah PetroSaudi, Patrick Mahony enggau sebengkah penerang ti madahka leka jaku dalam atur duit jali nya nyengkaum SSA udah ditemu ngelanggar stindit konsep Muharaba.

Dalam repot iya, Alison Weal madahka diri meretika semua pekara dalaam atur duit jali Murabaha tang ba 1MDB, ku iya, konsep nya semina nyadika “pengias” aja.

Patrick Mahony nyerahka iya:

“Ya, betul nya, terima kasih”, ku saut iya.

‘Pengias’ nyadika perengka ke bala orang ti bisi kaul enggau ngulihka duit jali PetroSadi dalam 1MDB, ti endur mayuh agi duit ti diulihka nya ulih pulai ke untung – tang asil puku ti udah diperanakka nua lalu enda kala diberi pulai.

Ngeleseka ‘bala orang ti landik’ dalam 1MDB laban masuk champur ba atur penyadi dagang kunsi nya

Ngeleseka ‘bala orang ti landik’ dalam 1MDB laban masuk champur ba atur penyadi dagang kunsi nya

Enggau pemayuh duit ti udah dipindahka ngagai sebengkah kompeni ti ari luar dagang kunsi enggau atur duit jali konsep Murabaha ti dipunka 1MDB – sebengkah kompeni ti dikuasa Jho Low – ke bendar iya duit asil ari puku ti diperanakka nya bedau dipulaika engka tau ngenyitka ati orang mayuh.

Staf kanan dalam wang turu 1MDB nemu bendar tanggungpengawa sida nya enggau berebutka dagang kunsi ti dipilih Jho Low enggau bala bakih iya dalaam PetroSaudi.

Randau nengah emel nunjukka enti sida ngereja pengawa ari luar tanggungpengawa lalu nguji deka meresa sebarang atur beranakka puku dagang dalam dagang kunsi nya sida deka dianu tauka dikutuk.

Ambi ke banding, timbal ti kasar ari Tarek Obaid enggau Patrick Mahony bisi ditemu lebuh raban Shahrol Halmi ari 1MDB nguji deka meresa atur pengawa meli kapal dikena ngulihka minyak ba tasik dalam ke dagang kunsi 1MDB PetroSaudi, ti dipelanja sida:

Bala pemerati pengawa dagang diatu benung betanya-tanya nyentuk ke kemaya dagang kunsi PetroSaudi nya tau dijadika teladan ke pengawa dagang kunsi ba maya bukai ti diatu dipeda puntan digagaka kira-kira enggau meruan, lalu udah ngujungka 1MDB nanggung utang nyentuk ke RM42 bilion.

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments