Tanah Murah Ke Kompeni Ti Bisi Bekaul Enggau Taib Mahmud – Adenan Satem Patut Meri Penerang Silik!

Dua tiga minggu ti udah tu Kepala Menteri Sarawak Adenan Satem bisi napi ansak ari raban aktivis rampa menua laban udah iya ti enda engkeretik pasal pengawa orang ti muka kampung tanah paya daun dikereja kompeni kroni sida, BLD Plantation di Sibu, diatu benung napi sekeda jaku tanya nama kebuah iya udah meri 3,000 hektar tanah ba rega ti kelalu murah ngagai sebengkah agi kompeni ti bisi kaul terus enggau gabenor Abdul Taib Mahmud ba taun 2014 suba.

Ba sebengkah penerang ti dipansutka ADUN Padungan, Wong King Wei ari parti DAP ba minggu nyin kemari, Adenan udah dipinta meri penerang:

Rampa tanah (bechura kuning) dibagi ngagai kompeni Genuine Formation di Lundu, Sarawak

Rampa tanah (bechura kuning) dibagi ngagai kompeni Genuine Formation di Lundu, Sarawak

Bala pemerati politik di Sarawak meda proses jual beli nya sebengkah pengawa ti nyelai. Meri tanah enggau pechuma ba maya Taib agi nyadi kepala menteri suba nya ditandu baru atas sida sebilik tauka atas bala kroni dagang enggau politik iya.

Enggau Adenan ti kala udah besemaya deka ngubah menua Sarawak ti endang udah lama rusak bala gabenor lalu mai pulai undang-undang ngagai opis perambu pengawa enggau opis kampung, mayuh orang deka nemu sapa ke bendar nya bempu kompeni Genuine Formation ti udah bidik lansik bendar bulih tanah ari bayar ti patut dipasukka ngagai wang turu menua.

Pengawa ngiga endur tanah udah nunjukka 22 bidang tanah udah diberi pechuma ngagai kompeni Genuine Formation

Pengawa ngiga endur tanah udah nunjukka 22 bidang tanah udah diberi pechuma ngagai kompeni Genuine Formation

Tang, nadai ubah udah dipejalaika ba pekara tu.

Kompeni Genuine Formation udah direjista ngembuan opis ba Tingkat 9, Menara Titanium, Lot 1, Jalai Song, Kuching, Sarawak.

Bala pemacha blog kami tu engka udah nemu bendar ke alamat opis enggi anak Taib, Mahmud Abu Bekir enggau kompeni iya Titanium Management. Kompeni nya kala ditusui Sarawak Report ti nyadika penerima kontrak besai-besai ari perintah Sarawak enggau mega nerima mayuh tanah ti nyau ka sebaka pemesai enggau pulau Singapura.

Mahmud Abu Bekir, anak Taib udah diberi tanah ba pemesai 3,000 hektar enggai ‘pechuma’

Mahmud Abu Bekir, anak Taib udah diberi tanah ba pemesai 3,000 hektar enggai ‘pechuma’

Kelimpah ari kompeni Titanium Management, agi mayuh kompeni bukai ti sama ampit nerima bidang tanah ti besai-besai rampa ti dikemataka Abu Bekir enggau bakih dagang iya, sida Chung sebilik. Semua kompeni ti ditemu nya sama bekunsika alamat enggau lumur telefon Titanium Management.

Kenyau ari taun 2011 kami ulih nentuka bisi 14 buah kompeni ti bekunsika alamat nya.

Enggau chara beskandal nya ngelama tu, ba tetiap iti kes, tanah nya diberi enggau pechuma ngagai anak Taib lalu kompeni Genuine Formation bela ampit ngasaika pemudah nya.

Diregista ba alamat ti sebaka enggau kompeni Titanium Management ti enggi Abu Bekir

Diregista ba alamat ti sebaka enggau kompeni Titanium Management ti enggi Abu Bekir

Chung Soon Nam, bakih dagang ti nyadi proksi ke Abu Bekir – 99% bempu kompeni

Chung Soon Nam, bakih dagang ti nyadi proksi ke Abu Bekir – 99% bempu kompeni

Waris kompeni ti sama dalam Titanium – Abu Bekir

Waris kompeni ti sama dalam Titanium – Abu Bekir

Ba minggu nyin kemari opis SPRM udah bisi didinga mantah atur dagang bekroni baka ti ditusui sida dalam repot sida ngagai Parlimen.

Repot nya digaga sida belalauka pansik ti dipejalaika, ti endur tiga iti opis pemadu tinggi dalam perintah Sarawak udah salah guna kuasa sida ngemendarka pengawa meri tanah. Repot nya ngaga simpul madahka kuasa ti enda besekat deka ngujungka kuasa nya salah guna lalu ke penguntung raban menteri enggau sida sebilik aja.

Jaku semaya ti deka ngaga ubah mengkang enda dikamatka, taja pan Taib udah diangkatka nyadi gabenor.

Ba bulan Lima nyin kemari, lebuh iya bejaku di London, Adenan madahka diri bisi merambu deka ngetanka rampa kampung di Sarawak, ngemaduka pengawa muka kebun dandang besai sawit, ngapuska penyalah makai suap lalu ngemaduka pengawa ngaga tekat ti besai-besai.

Rumah besai berega mar enggi sida Chung sebilik – nyadi kaya ari kontrak politik ti besai-besai

Rumah besai berega mar enggi sida Chung sebilik – nyadi kaya ari kontrak politik ti besai-besai

Rumah besai berega mar enggi sida Chung sebilik – nyadi kaya ari kontrak politik ti besai-besai
Taja pan baka nya, ba bulan Lapan tu tadi Adenan bisi dipeda meri sukung ngagai Menteri Besai Najib ti benung napi serang orang mayuh bekaul enggau skandal makai suap, lalu dalam bulan Semilan iya mantah jaku tuduh orang ti nekanka penyalah makai suap ti ditujuka orang ngagai Taib Mahmud ti diganti iya.

Adenan engka deka minta peda bala orang di serata dunya tu iya bebendar amat ngelaban sekeda isu ti besai-besai ti benung nuntung menua Sarawak, tang Radio Free Sarawak mayuh udah nerima kangau ari bala peninga ti enda sebaka enggau cherita pada Adenan ti ditusui nengah suratberita enggau tv enggau radio enggi perintah.

Dalam kandang dua tiga minggu tu udah RFS udah mansutka berita pasal pengawa kasar enggau tangkap ba sekeda orang bansa asal ti benung ngetanka rampa menua diri empu. Tu nyengkaum atur perintah ti nagang penama siku pengari parti penyakal, Nurul Izzah, ke menua Sarawak, sebengkah atur ti udu dibantah sekeda raban lawyer di menua Malaysia.

Berebak enggau pengerami nyambut Hari Kuasa Pengelantang Mensia 2015 kena hari Empat tu tadi, dia bisi 500 iku pengari ari mayuh bengkah raban bansa enggau gerempung kuasa pengelantang mensia udah begelumu di nengeri Kuching laban deka ngenataika sekeda isu ti benung nuntung orang bansa asal di Sarawak ngelama tu. Tu nyengkaum ansak sida minta Pemakai Menua enggau Pulau Galau nya dikelala perintah, ngaga repot Pansik Empas Projek Ba Rampa Menua (EIA) ti patut diberika ngagai tetiap raban bansa ti kena tuntung keruga projek lalu ngemaduka pengawa ngerampas tanah enggau salah guna kuasa imigresyen.

Rintai tanah ti udah diberika enggau pechuma ngagai kompeni Genuine Formation Sdn Bhd tau dipeda di baruh tu:

Screen Shot 2015-12-08 at 15.33.34Screen Shot 2015-12-08 at 15.33.44

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments