1MDB Menua Sarawak – Wang Turu Tanah NCR Enggi ASSAR Ngelalaika Pengerugi Setengah Billion Ringgit

Kena keduan baru – orang bansa asal diri sebilik di Sarawak

Kena keduan baru – orang bansa asal diri sebilik di Sarawak

Sepenyampau duit ti mayuh udah lenyau pia aja ari wang turu menua ti patut dikena ngemataka duit simpan orang bansa asal ti kurang bepenatai pemisi, ari raban orang ti bempu tanah NCR, nitihka sekeda dokumen ti ditemu Sarawak Report.

Asil pansik enggau peresa nya udah ngenenduka pengarap ba perintah menua ti seruran ngumbai diri nyadika penyaga pengelantang raban orang asal ti seranta di Sarawak lalu udah nyungkak ati irau ba ASSAR, enggau wang turu buai di menua nya, ti udah puntan mansutka penerang pasal semua aset sida ngagai orang mayuh.

Penerang ti ba kami diatu nya udah nunjukka, kelimpah ari ti nempa rega ke duit simpan ngena chara dagang, duit nya udah diambi enggau chara pejal ari orang diri sebilik raban bansa asal, lalu nyadika puku dagang diperanakka ba dagang ti dituntung pengerugi ti endang bisi kaul enggau sekeda orang ti kaya, dipejalaika enggau penuh resia bepayungka nama ASSAR.

Sekeda lumur nya ke diatu * ba rega unit Amanah Saham Sarawak Berhad (ASSAR) ti bepelasarka ba 17 sen aja, bebanding enggau jamin tikas pengambis mit ke bala orang ti beranakka puku ba rega RM1.00 ulih menua nya.

Asil peresa tu nunjukka, udah bekau nyimpan dalam pengelama empat-lima taun, orang bansa asal diri sebilik semina tau ngarapka untung ti enda besai ke puku ti diperanakka sida.

Repot ari Suruhanjaya Sekuriti ke taun 2012 ngayanka gaya wang turu nya ti ngasuh ati irau.

Sarawak Report udah bulih asil peresa ASSAR ti digaga Suruhanjaya Sekuriti (SS) ti udah diayanka beduduk ba ati irau orang mayuh. Repot nya udah dipelalaika kenyau ari iya dikeluarka ba bulan Julai 2012, nunjukka rega aset beresi wang turu nya udah kusut enggau berupai 25% ari liabiliti iya ba maya nya.

Ba simpul prestasi wang turu nya nunjukka 83 dari 90 puku dagang tepilih sida udah balat lenyau duit datai ke RM46.7 juta kenyau ari empat-lima taun ke udah.

NAV reti nya NET Asset Value (iya nya rega aset beresi) – repot ari SS 2012

NAV reti nya NET Asset Value (iya nya rega aset beresi) – repot ari SS 2012

Lumur ke bukai ti ditemu Sarawak Report ngamatka pasal, kenyau ari 2014 rega wang turu nya udah balat kusut nyentuk ke ngagai 117% taja pan bulih duit tambah ari Perintah Menua Sarawak.

Enggau reti bukai, kelimpah ari meri untung ti nambah ke raban orang bansa asal ti seranta, parintah menua Sarawak udah nejuka lebih ari 80% duit ti diperanakka 72,000 iku orang bansa asal Sarawak dalam ASSAR.

Mayuh agi orang ti bekaul enggau wang turu nya endang raban orang bansa asal ti bisi tanah NCR ti udah dipejal nyimpan duit diperanakka dalam wang turu ti ditumbuhka perintah menua.

Enda chukup duit dikena mulaika puku duit 72,000 iku orang ti udah beranakka puku ari menua Sarawak

Enda chukup duit dikena mulaika puku duit 72,000 iku orang ti udah beranakka puku ari menua Sarawak

Sarawak bulih penyampau ti nunjukka ba ujung bulan Disember 20114 pengusut duit dalam ASSAR majak jai, taja pan udah ditambah dua kali RM50 juta ari perintah Sarawak ba timpuh masuk champur.

Penyampau ti udah kusut nunjukka aset ASSAR udah ditentuka ba rega 17 sen ke tiap RM1.00 unit iya ba bulan Disember 2014

Penyampau ti udah kusut nunjukka aset ASSAR udah ditentuka ba rega 17 sen ke tiap RM1.00 unit iya ba bulan Disember 2014

Pengusut nya nunjukka bida entara rega ti pengabis mit ti diinjau ari bala orang ti beranakka puku ba penyampau 541,712,004 enggau aset beresi ti udah kusut nyentuk ke RM95,084,694 – iya nya 17% ari rega ti dijamin.

Dini endur untung ti udah disemayaka ngagai bala orang bansa asal di Sarawak?

Dini endur untung ti udah disemayaka ngagai bala orang bansa asal di Sarawak?

Geraf nunjukka pengerugi ti nyau ka manggai setengah billion ringgit ari wang turu ti patut dikena nyaga duit pampas ke ganti pengerugi tanah NCR ti udah kena ambi (ba mayuh agi kes nya, enda lurus ba undang-undang, ti dikereja Pelita). Empas ti diasaika orang bansa asal nya balat bendar.

Lebuh ASSAR ditumbuhka dalam taun 1993, Kepala Menteri Sarawak ti dulu suba ti mega nyadi Menteri Pekara Wang enggau Menteri Pengeraja Asal enggau Perambu Pengawa, ti diatu nyadi Gabenor, Abdul Taib Mahmud, udah madahka wang turu nya nyadika chara baru nyimpan duit ngagai orang bansa asal ti kena tanggul laban tanah ti diambi.

Taib rindu dikelela orang enggau jejuluk CEO Sarawak – begambar enggau orang ti nganti iya, Adenan Satem ti diatu benung napi krisis wang dalam ASSAR

Taib rindu dikelela orang enggau jejuluk CEO Sarawak – begambar enggau orang ti nganti iya, Adenan Satem ti diatu benung napi krisis wang dalam ASSAR

Perintah Taib maya nya udah mejal sereta ngerampas tanah NCR enggi orang bansa asal, lalu diberi ngagai pemegai lesen kayu batang enggau kompeni ladang ti besai-besai sereta kaya, ti udah diserahka ngagai kompeni sida sebilik enggau mega kroni iya.

Bayar pampas ke orang asal nya semina mimit aja rega ke bendar ke tanah sida, sebengkah rega ti ditetapka Perintah Menua, tang Taib enda ngasuh sida nerima duit nya terus chara tunai.

Sebuah sekim ditumbuhka dikena ngalihka bayar pampas sida ke dalam ASSAR, ti endur sida enda dikemendarka mansutka duit simpan sida empu nya dalam kandang lima taun.

Pemeri penerang bekaul rapat enggau wang turu nya udah madahka ngagai Sarawak Report ti madahka duit simpan bala penyimpan ti lama nya datai ari duit simpan bala penyimpan ti baru ti udah dipejal nyimpan duit, lalu ukai ari untung dagang ti patut – sebengkah reti pengawa dagang ti diberi nama Sekim Ponzi.

Pengerugi nya mai reti, enti sekeda ari penyimpan duit nya ninggalka wang turu nya, nadai agi duit tinggal ke dibayar ngagai sida ti agi tinggal ti udah dipejal beranakka puku sida.

Dalih di belakang krisis nya ditunjukka dalam repot 2012 ti ngenusahka ati, bekaul enggau pansik SS, udah bekau ati irau orang mayuh pasal salah atur pengawa dalam wang turu nya munyi ti ditusui bala pengereja pengawa dalam wang turu nya.

Sarawak Report diatu udah bulih siti salinan repot nya, ti disadang dipelalaika ari ti ditemu orang mayuh. Penerang ari Juruaudit Menua Malaysia ba taun nyin kemari udah nunjukka penanggul ti sama dalam wang turu nya.

Ba repot nya SS udah nerangka enggau silik mayuh macham salah atur pengawa dalam wang turu nya nyengkaum pengurang ba atur ngemata enggau penyukup penatai bala pengarah ti dikangauka baum. Kaban Parlimen Alexander Nanta Linggi, ambi ke banding, enggau Sekretari Menua Sarawak ke dulu suba Tarmizi bin Sulaiman udah direkodka kala enda datai enggau baum ba wang turu nya.

Bala raban Pengarah ari bala orang kroni BN suah ditemu enda datai baum

Bala raban Pengarah ari bala orang kroni BN suah ditemu enda datai baum

Enda ngasi nyengkaum kurang jaga pada penyalah bechanggah kepentingan ba bala pengarah enggau bala eksekutif ba wang turu ti benung dipansik nya.

Puku dagang ti enda diperesa dalam wang turu ti patut nguntungka bala pelabur

Puku dagang ti enda diperesa dalam wang turu ti patut nguntungka bala pelabur

Tu mai reti, nadai siti sistem dikena nagang pengawa beranakka puku dibalut penyalah makai suap ti ngujungka pengerugi nya.

Penyalah enggau penanggul makai suap udah ngujungka wang turu nya lenyau beratus juta ringgit duit orang ti beranakka puku dia.

Opis Sarawak Sekuriti mega bisi nyebut pasal mayuh kes endur bayar kelalu laun dikeluarka ngagai bala pelabur tauka tepagang ke sida ti ti nguji deka ngeluarka semua duit puku sida.

Opis ASSAR – rumah endur bejalaika pengawa salah atur

Opis ASSAR – rumah endur bejalaika pengawa salah atur

Rega dividen ti patut lebih besai ari rega asal puku diatu nyau nyadi makin baruh, taja pan perintah kala nambahka puku dikena mayar duit ti dikeluarka ngagai bala pelabur.

Dalam taun 2012 dividen ba pemayuh 1.5% udah dibayar, ti endur 66% udah disukung ngena sabsidi ari kompeni PASB enggi perintah menua.

Nadai untung ari dividen ti mimit bendar ti udah disukung ngena sabsidi

Nadai untung ari dividen ti mimit bendar ti udah disukung ngena sabsidi

Orang bansa asal ti endang diajar nyimpan duit udah ditejuka enda nemu utai ti nyadi ba wang turu nya, ti endur sida nadai kala nerima sebarang dividen, kelimpah ari ti nerima bantu mimit-mimit ari pengari BN ba musim Krismas tauka maya bepilih.

Nitihka kepala pengatur kempen ngemataka kuasa orang bansa asal, Peter Kallang, genturung pendiau sida di Ikang-Banyok, ti udah “dikemansangka” lebih 10 taun ke udah, nadai kala nerima sebarang untung ari duit simpan sida ba wang turu ASSAR nya.

Abis kurang, enggau pengawa bepilihbesai ti deka datai tu bala pelabur dalam wang turu ASSAR tau ngarapka duit bentu ti mimit-mimit. Tang bala pemayar chukai mega dipinta mantu nebus pengelenyau duit ari wang turu nya ketegal dikeruga kompeni enggau bala kroni BN di Sarawak.

Adenan Satem bisi didinga muji ASSAR lebuh wang turu nya kena tuntung pengerugi nyentuk ke ngagai untung kusung

Adenan Satem bisi didinga muji ASSAR lebuh wang turu nya kena tuntung pengerugi nyentuk ke ngagai untung kusung

Selamat datai ngagai skandal wang turu versyen enggi menua Sarawak – ti nyau deka sebaka enggau penanggul ti benung nuntung 1MDB.

* lumur ti kediatu ari taun 2014

Want to get alerts for new articles ? see our Subscribe page

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

comments