Sarawak Report diatu ulih ngayanka repot bekaul enggau jaku-jaku Tanya di menua Britain pasal Tony Blair enggau bala penyanding penemu iya ti bekaul enggau pemerintah menua bukai ti ngena atur perintah sechara pejal
Kami bisi tetemuka penatai berita ti madahka penyanding penemu ti bekereja ke Menteri Besai Britai ti dulu suba, Alastair Campbell, baka ni iya meri penemu ngagai Naib Razak chara ulih menang ba pengawa bepilih-besai ti ka datai tu ila!
Pekara tu ti nangkaka skandal ti nyadi dalam FBC Media, pasal sebengkah berita ti dipansutka Sarawak Report ti madahka Najib enggau Kepala Menteri Abdul Taib Mahmud ti udah meli publisiti manah ngambika ditaburka di berita TV-TV sebelah dunya tu.
Siku pemesai FBC Media, iya nya sebengkah kompeni ti ngemataka pemanah kaul (PR) Menteri Besai, APCA, lalu diatu Alastair Campbell ti dipechayaka iya nya Paul Stadlen, rapat bendar kaul enggau Najib lalu bekerja di KL.
Najib diatu dipeda baka ti besak sereta kiruh bendar meresi nama diri ba mua entarabansa kejang deka bepilih-besai lalu pia mega chara iya mutarka Bersih kena 9 haribulan Julai tu tadi. Iya mega deka nambahka pemayuh peminta ari
Sebengkah agi raban pemeri berita kami bisi nyebut Campbell kala nemuai ngagai Najib di KL bedau lama tu udah, ti endur iya meri penemu lebih agi pasal semaya ti deka ngubah undang-undang ngenanka orang.
Begigaka pangan dagang ba dagang minyak ti kaya-kaya?
Kami bisi tetemuka penerang ti madahka kaul raban penyanding penemu Tony Blair dulu suba enggau ke diatu, endang bisi ditusui dalam sekeda surat berita di UK, ti sebaka chara ngenang pasal kaul sida di Khazakhstan.
Alastair Campbell mega bisi dipeda nemuai baru ke KL udah penemuai iya ari menua Astana, indu nengeri Khazakhstan, ti endur iya ngaku diri bisi ngereja pengawa meri sanding penemu dia.
Tony Blair empu bisi ditemu ngaga kaul di rapat enggau Presiden Nursaltan Nazabayev ti nyadi tuai menua Khazakhstan sekumbang iya megai perintah taunt u.
Nazabayev nya siku tuai perintah menua nya ti endang ditemu bisi penanggul ba entarabansa, ketegal iya ti bejalaika pengasar atas rayat iya enggau penyalah makai suap sekumbang iya merintah 20 taun tu.
Tony ngaga kaul enggau Najib ti udah ditusui enggau lenak dalam Sarawak Report ba senentang skandal FBC Media. Kedua-dua bengkah menua nya bisi ditemu ngupah FBC Media awak ke nusui pasal pemanah sida empu. Utai ti deka ditemu orang diatu, kaul entara Blair enggau bala tuai-tuai ari menua ti kaya ketegal dagang minyak, ti ngujungka Blair ditemu ngatur tanggam sempekat dagang enggau menua Khazakhstan nyau manggai $13 juta US.
“All Tony Blair is really doing, whether he knows it or not, is lending respectability to an oligarch with a shocking reputation on human rights”, he told the FT.
Alastair Campbell enda ulih ditanya bala pemerita kami baka ni iya tau ngaga kaul enggau indu nengeri Astana. Bala pemerita enda ulih ngiga iya ngena telefon, email enggau perengka penyambung ti bukai.
Kaul ti baka nya udah ngemai pengirau ke bala penyakal di Malaysia, ti endur Campbell ulih ngena peluang iya ngaga kaul entarabansa nengah Tony Blair dikena ngelakuka Najib enggau BN, taja pan BN nya ditemu sebengkah parti perintah ti benung balat bebalut enggau penyalah makai suap enggau ngeruga pengelantang mensia.
Kelimpah ari nya Sarawak Report ulih ngeluarka penerang ti madahka Alastair Campbell bisi dikangauka FBC Media bekaul enggau kontrak $5 juta setaun enggau Taib dikena nyerang kempen ngelaban penyalah makai suap kami.
Kaul enggau menua Khazakhstan
Diatu raban Blair bisi ditemu ngatur kaul entara KL enggau Astana. Kedua-dua bengkah menua nya sama bisi rekod ti enda manah. Nambah ke nya, anak Najib, Nooryana, udah diatur belaki enggau anak menyadi Presiden menua Khazakh, iya nya Daniyar Nazarbayev
Enggau nya sekeda jaku tanya enda tau enda ditujuka ngagai UK tauka KL nama tuju kaul sida enggau Tony Blair, siku orang ti kala nyaddi Menteri Besai UK dulu suba.