Jho Low Enda Datai – Tang Peda Sapa Agi Orang Ti Sama Bisi Melanja Pengerami Nya!

BM
翻译
Apu! Alicia ti udah begela indai tang agi dipeda bajik bengepan gari ti ngayanka baju dalam iya
Apu! Alicia ti udah begela indai tang agi dipeda bajik bengepan gari ti ngayanka baju dalam iya

Kami minta ampun, nitihka sebengkah pablisiti penuh sensasyen ti bekelingi ba sebengkah pengerami demalam di New York, Jho Low nadai dipeda datai ba pengerami nya.

Bejuta-juta dollar udah dibubuhka ba sebengkah pengerami, ti dikarapka dikena nambahka duit ti digumpul dikena munaska penyakit AIDS di menua Afrika, ti endur bintang lagu pop Alicia Keys enggau laki iya Swizz Beatz nyadika orang pemerindang malam nya.

Jho Low engka berasai enda lantang ati laban enda ulih datai berami enggau bala bakih iya, tang pengawa dagang nya udah nyadi makin mar dipejalaika di menua US … tauka dini-dini endur nyengkaum di luar endur iya ngenduhka diri di Taiwan.

Tang Sarawak Report udah mujur ngelala sapa agi pemeri wang turu ti bukai ba pengerami nya.

Sekali ke beguna agi ngelala sapa ti melanja lalu nama kebuah melanja – lalu sekali ke raban orang ti seranta di Afrika din patut bulih penguntung ari ‘duit pemansang’ ti dirampas ari raban orang ti seranta di menua Asia?
Sekali ke beguna agi ngelala sapa ti melanja lalu nama kebuah melanja – lalu sekali ke raban orang ti seranta di Afrika din patut bulih penguntung ari ‘duit pemansang’ ti dirampas ari raban orang ti seranta di menua Asia?

Pemeri pemadu mayuh meri duit ba pengerami ‘Black Ball, Black To The Future’ nya Mohd Al-Husseiny, siku CEO ti udah badu bekereja dalam wang turu Aabar Investment ari menua Abu Dhabi.

Mohd Al-Husseiny udah dibuai ari pengawa iya lebuh Sarawak Report belabuh mantaika pasal kaul iya enggau bos lama iya, Pengerusi dalam Aabar, iya nya Khadem Al-Qubaisi, ti sama-sama kena buai, udah bekau 1MDB lenyau duit injau bebillion-billion dollar
Mohd Al-Husseiny udah dibuai ari pengawa iya lebuh Sarawak Report belabuh mantaika pasal kaul iya enggau bos lama iya, Pengerusi dalam Aabar, iya nya Khadem Al-Qubaisi, ti sama-sama kena buai, udah bekau 1MDB lenyau duit injau bebillion-billion dollar

Al-Husseiny dipadahka udah meri US$100,000 – tauka lebih, laban nama iya beduduk ba endur pengambis tinggi dalam rintai nama bala orang pemeri ke pengerami nya.

Tang peda, sapa agi bala pemeri ti bukai – ukai semina ‘wang turu’ Jynwel enggi Jho Low, tang siku eksekutif UBG/1MDB ti benung digiga di Malaysia, Jasmine Loo.

Jasmine Loo benung digiga Bank Negara Malaysia ngambika tau dipansik bekaul enggau duit ti mayuh bendar udah dipindahka iya ngagai akaun enggi PetroSaudi ti udah nya lenyau pia aja. Tang baka bakih iya ke dulu suba, Nik Faisal Ariff Kamil enggau Casey Tang ari kompeni SRC, iya mutuska penemu diri ninggalka menua endur iya ada lalu diau entap di menua tasik.

Diatu kami nemu Jasmine Loo nya nyadika siku pemeri ari raban orang indu di New York lalu sama enggau ngerami pengerami bos iya dalam UBG enggau Penyanding Penemu dalam 1MDB ke dulu suba, Jho Low sereta mega enggau kepala dalam Aabar ke dulu suba, Mohd Al-Husseiny.

Peda mih, sapa agi ti bisi nama dirintaika ... Jasmine Loo!
Peda mih, sapa agi ti bisi nama dirintaika … Jasmine Loo!

Jasmine Loo engka nyerumba bala pemeri bukai ti meri 10,000 – 25,000 ke dalam wang turu Afrika nya, baka ti ditetapka atas pemeri bukai ti mit agi ari raban pengatur pengawa dagang ba 1MDB ti udah mujur nyintak bejuta-juta ari wang turu pemansang nya.

Benung belalai di New York, Jasmine benung dikedekaka di menua Malaysia, tang mengkang ditemu mubuh-mubuhka beribu juta dollar ngagai pengerami Jho Low – terima kasih ke tanggungpengawa iya dalam 1MDB suba?
Benung belalai di New York, Jasmine benung dikedekaka di menua Malaysia, tang mengkang ditemu mubuh-mubuhka beribu juta dollar ngagai pengerami Jho Low – terima kasih ke tanggungpengawa iya dalam 1MDB suba?

Tang sekeda orang tentu deka berasai alit ati ke penegap ti nyadi besenutuk ti endur bala pemeri duit ke bakih Jho Low di Hollywood ti ukai semina Mohd Al-Husseiny, tang mega ari Jasmine Loo.

Tambah mega Al-Husseiny udah ngeletak diri nyadika pemeri ba pengawa ngeluarka filem Wolf Of Wall Street ti beungkus US$100 juta nya lebuh orang mayuh belabuh betanya sekali ke Jho Low ti nyadi pemeri duit pemadu mayuh ngagai kompeni enggi anak tiri Menteri Besai, Riza Aziz (ti anak dulu Rosmah)?

Lalu Jasmine Loo ti nyadika pemesai eksekutif dulu suba dalam bank UBG ti mega nyadi Pengarah Eksekutif Raban Strategi dalam 1MDB ti diambi gawa pansut ari UBG nengah PetroSaudi, kelimpah ari atur ngemasukka beratus juta dollar ke dalam akaun Jho Low.

Bank Negara Malaysia pechaya bendar ke Jasmine Loo nya bisi penerang ti pemadu beguna baka ni duit 1MDB tau lenyau enggau mudah, lebuh iya agi mangku pengawa besai dalam UBG enggau 1MDB berebak, tang nyentuk ke diatu iya lalu bedau didinga meri saut iya ke tanya tu.

Bala pengarang berita bepansik ari suratberita New York Times udah mujur bendar tetemu ke Jasmine Loo di nengeri New York ti endur iya ngentapka pendiau diri ba sebuah flat berega mar ti ulih iya ngena wang turu orang mayuh Malaysia, kelimpang ari pengulih iya meri duit ti mayuh ngagai pengerami nya.

Terang bendar pengawa dipangku iya enda lama dalam UBG/1MDB nya besai bendar reti ba iya lalu iya diatu udah pinchin ba umur ti agi biak bendar sereta nyadi kaya raya.

Sekali ke nya seninjik endur Jasmine Loo enggau Al-Husseiny ti sama berebak meri sukung ti mayuh ngagai pengerami Jho Low, ti nyadika siku orang ti mengkang, taja pan bisi penerang ti chukup mayuh, madahka diri nadai sebarang kaul enggau 1MDB?

Naka mih pemanah enti bala pemeri nya meri penguntung ke raban orang ti seranta di Afrika, tang penyampau pemeri sida nya jauh mimit bebanding enggau bepuluh juta dollar ti udah dirampas sida ari raban orang seranta di menua adap ke Asia – lebih agi Malaysia?

Your views are valuable to us, but Sarawak Report kindly requests that comments be deposited in suitable language and do not support racism or violence or we will be forced to withdraw them from the site.

Comments

Scroll to Top