Sekeda menua di Eropa diatu udah dani ninga pasal penyalah makai suap enggau keruga ba kuasa pengelantang mensia di Malaysia, terima kasih ke tindak bala pejuang kuasa pengelantang mensia ti berani … enggau mega sekeda batang berita pasal salahpengawa Najib Razak ngelama tu.
Tu mih maya Eropa berasai irau ati ke pengawa enggau ulah ti kasar ti ditujuka ngagai menua sida.
Bala pengari di Eropa bedau besedia nerima tindak Najib ti kasar enggau rayat iya empu enggau parti iya empu ti kenu ku iya dikena ke penabat serang munsuh.
Menua Eropa bepenemu, enggau chara ngapuska kuasa pengelantang mensia di Malaysia, Najib udah nyungkak penyarut, ukai deka ngemetulka nya.
Resolusyen nya nunjukka Najib ukai ngeleseka dunya tang ngemelika diri enggau bala penyukung dalam parti ti diupah iya. Resolusyen penuh Parlimen Eropa tu lalu kita tau meda debat ti direkod ditu:
Parlimen Eropah,
– Pasa sekeda resolusyen ke dulu suba pada Malaysia,
– Enggau ngambi kira resolusyen kena 15 Januari 2014 pasal tinjau ti dudi ila ba kaul EU-ASEAN (1),
– Enggau ngambi kira Penerang Tukang Gerah EEAS baka ti kena 15 April 2015 bekaul enggau atur nerima ubah Akta Hasutan di Malaysia,
– Enggau ngambi kira Penerang Tukang Gerah EEAS baka ti kena 17 Mach 2015 bekaul enggau atur ngetan sereta nangkap Nurul Izzah Anwar, siku kaban penyakal Parlimen di Malaysia,
– Enggau ngambi kira Penerang Tukang Gerah EEAS kena 10 Februari 2015 bekaul enggau pemutus kot ba atur nawa kaban politik penyakal Malaysia Anwar Ibrahim,
– Enggau ngambi kira Langkar Pengawa Strategik EU bekaul enggau Kuasa Pengelantang mensia,
– Enggau ngambi kira Penerang ari Komisyen Tinggi UN ba Kuasa Pengelantang Mensia baka ti kena 9 April 2015 ba deraf anti-pengawa kasar engang Akta Hasutan,
– Enggau ngambi kira penerang media sama EEAS bekaul enggau jaku randau polisi EU-ASEAN bekaul enggau kuasa pengelantang mensia ba kena 23 Oktober 2015,
– Enggau ngambi kira Lalau bekaul enggau raban pengintu kuasa pengelantang mensia,
– Enggau ngambi kira reviu PBB baka ti kena bulan Oktober 2013,
– Enggau ngambi kira repot bekaul enggau ngangkut orang chara belalai baka taun 2015,
– Enggau ngambi kira reviu ke-dua Malaysia ba mua Komisyen Kuasa Pengelantang Mensia di PBB, enggau tuduh penemu sida baka ba bulan Oktober 2013,
– Enggau ngambi kira Penetap Sedunya Kuasa Pengelantang Mensia ke taun 1948,
– Enggau ngambi kira bala Penyaga Penetap Kuasa Pengelantang Mensia PBB taun 1998,
– Enggau ngambi kira Sempekat Entarabansa bekaul enggau Kuasa Sivil enggau Politik (ICCPR) taun 1966,
– Enggau ngambi kira Konvensyen dikena ngelaban Ukum Bunuh (CAT) taun 1984,
– Enggau ngambi kira Penetap Kuasa Pengelantang Mensia ke menua adap Asia Tenggara,
– Enggau ngambi kita Akta 135(5) enggau 123(4) bekaul enggau Atur Prosidur,
A. ti endur menua di EU ngambu menua Malaysia nya kaban politik enggau ekonomi di Asia Tenggara; ti endur EU enggau Malaysia terus bejuraika Sempekat Kerejasama enggau Sempekat Dagang Bebas;
B. ti endur ruang dikena bejuraika penemu ba mua orang mayuh di Malaysia diatu nyau majak mit laban perintah nyau belabuh ngena undang-undang orang salah ti digaga ngena leka jaku ti enda terang dikena nutup mulut bala orang ti mantah; ti endur undang-undang tu nyerangkung Akta Hasutan, Akta Penyelak, Akta Komunikasyen enggau Multimedia enggau Akta Begempuru Chara Manah, nyadika sekeda ari chunto;
C. ti endur kena 3 Disember 2015 tu tadi Akta Majlis Keselamatan Kebangsaan (NSC) udah ditetapka ulih Parlimen Malaysia ngena undi majoriti; ti endur akta tu meri kuasa nga gai NSC ti betuaika Menteri Besai ti bekuasa dikena netapka perintah bekurung ba sebarang endur ti dikumbai berisiko tinggi, ngemeendar atur nangkap, ngiga sereta rampa ti enda ibuh ngena waran;
D. ti endur, ba Akta Hasutan nya aja, enda kurang ari 78 iku orang udah kena pansik tauka didawa kenyau ari 2014;
E. ti endur tuai penyakal Anwar Ibrahim udah ditinggang ukum jil ketegal beleman sama-sama lelaki ba bulan Februari 2015 udah dituduh beduduk ba motif politik ti enda setipak enggau atur pechara standard entarabansa, ti endur iya mega enda bulih into pengerai ti meruan;
F. ti endur raban LBGTI di menua Malaysia dikumbai raban orang ti jai lalu tau ngeruga menua dipeda ngena Akta Anti-Liwat enggau undang-undang kandang menua nya ti nagang sapa-sapa orang ngena gari lelaki indu enda enggau menuku, napi jaku kutuk, pengasar seks, ukum jil enggau pengasar ti bukai;
G. ti endur pelukis kartun Zunar benung diukum jil ngena Akta Hasutan ketegal utai ditulis iya dalam laman Twitter iya ti udu mantah perintah bekaul enggau ukum ti ninggang Anwar Ibrahim; ti endur blogger baka Khalid Ismath enggau orang akademik Azmi Sharom mega kena tinggang ukum ti sebaka.
H. ti endur opis SPRM udah nanya mansik Menteri Besai bekaul enggau tuduh makai suap udah lebih 600 juta euro ditemu dalam bup akaun bank iya ti nadai penerang tegap ba penatai enggau tuju, kelimpah ari dituduh bisi kaul enggau pengelenyau beratus juta euro ari 1MDB.
I. ti endur kompeni berita enggau penyelak ditinggang ukum enggau sekat ngena Akta Celak bekaul tuduh tu, lalu ti endur lawyer Matthias Chang enggau siku orang politik UMNO Khairuddin Abu Hassan udah ditangkan udah bekau iya ti dipansik.
J. ti endur bala Pengari UN udah mansutka asai irau ati sida ba salahguna undang-undang penyalah lebuh penemuai iya ke Malaysia kena 5-6 Ogos 2015 tu tadi;
K. ti endur, munyi ku UN enggau raban NGO, raban polis Malaysia udah bejalaika tindak ti kasar, nangkap orang nyau jauh malam, ngetanka orang enggau enda dipechara sereta mega nawa orang chara bepilih-pilih;
L. ti endur menua Malaysia agi bejalaika ukum bunuh ti alai lebih 1,000 iku orang tutup diatu benung nganti diri ditinggang ukum bunuh nya;
M. ti endur menua Malaysia nyadika kaban dalam Komiti Pengelikun PBB enggau mega nyadika Pengerusi ASEAN ti mega Aum Besai ASEAN ti ke-27 ti diatur di Kuala Lumpur ari 18 ngagai 22 November 2015.
1. Ngamatka komitmen kuat EU ba rayat Malaysia ti endur EU bisi kaul rapit enggau Malaysia ba segi politik, ekonomi enggau budaya;
2. Pengusut kuasa pengelantang mensia di Malaysia enggau keruga ba raban aktivis raban bansa, raban orang akademik, media enggau politik; mansutka asai irau ati ba penambah penyampau pemayuh orang salah ti didawa ngena Akta Hasutan;
3. Asai irau ati ti pansut bekaul enggau penumbuh undang-undang Majlis Keselamatan Kebangsaan lalu ngansak undang-undang nya dibatak pulai; ngansak perintah nimbang entara ngetanka pengelikun menua enggau pemesai guna nyaga kuasa-kuasa sivil enggau politik;
Ngansak perintah Malaysia ngelepaska semua orang salah politik, nyengkaum tuai penyakal Anwar Ibrahim, lalu nyediaka pekara perubat ti menuku ke iya, ngugurka semua tuduh ti bisi tuju politik, nyengkaum pelukis kartun Zunar, blogger Khalid Ismath, kaban akademik Azmi Sharom, pemantah politik Khairuddin Abu Hassan enggau lawyer Matthias Chang, enggau aktivis kuasa pengelantang mensia Lena Hendry enggau Maria
Chin Abdullah;
5. Ngansak raban penerit undang-undang di Malaysia ngapuska Akta Hasutan enggau undang-undang bukai baka Akta Penyelak, Akta Multimedia enggau Komunikasyen, Akta Gempuru enggau agih undang-undang ti bukai setikas enggau standard entarabansa bekaul enggau kuasa sepeneka bejaku enggau gempuru enggau ngelindung kuasa pengelantang mensia; ngansak raban penerit undang-undang Malaysia ngambika mantu orang mayuh begempuru awakka sida likun sereta merika sida kuasa peneka mansutka jaku di serata menua;
6. Ngansak Komiti Komplen Polis (IPMCMC), munyi ti dilanggurka Komiti Pansik Polis ba taun 2005, dikena mansik tuduh ba polis ti bepengawa kasar enggau pengawa ti ngujungka pemati orang ti kena tanka polis;
7. Ngerintaika pemesai guna pansik ti terang lalu dipejalaika ngatika diri ba tuduh penyalah makai suap, lalu meri kerejasama ngagai raban pemansik; ngansak perintah Malaysia badu agi nekan raban ari opis SPRM enggau mega media;
8. Nambahka pemesai raban ti lunggar penemu ba bansa diri enggau pengarap diri dikena nambahka tekan ba raban bansa ti mit-mit;
9. Meransang Perintah Malaysia ngatur dialog enggau parti peenyakal sereta mega enggau sekeda gerempung sivil;
10. Ngansak perintah Malaysia ngamatka aum pasal kuasa pengelantang mensia entarabansa, nyengkaum aum enggau penetap ICCPR, ICESCR, CAT, Aum ILO 169, Patung Rom ICC, enggau mega Aum ke Tikas Orang Ti Lari enggau protokol opsyenal bukai;
11. Minta perintah Malaysia ngangauka semua Prosidur Khas PBB, udah nya ngangauka bala pelapor khas nemuai ke Malaysia enggau enda ibuh dipinta tauka dikangauka;
12. Nandu penetap iya ti endur ukum bunuh mandatori nya udu jai, lalu ngansak perintah Malaysia ngatur moratorium nyadika singkang ke terubah dikena madamka ukum bunuh ba semua bansa penyalah lalu ngubah ukum bunuh nya ngagai ukum tutup sepemanjai umur;
13. Ngansak perintah menua EU enggau kaban sida ngatur polisi ba Malaysia.
14. Ngansak raban deleget EU ke Malaysia ngambika nambahka daya ba pengawa melanja projek ti bekaul enggau bejaku peneka ati enggau ngubah undang-undang ti udu nekan rayat, berindik ba atur ngelindung raban LGBTI di Malaysia ti seruran napi dawa enggau pengasar, lalu dikena ngemendar pengidup homoseksual enggau transgenderisma.
15. Dikena ngamatka pemesai reti randau ke polisi EU-ASEAN pasal kuasa pengelantang mensia endur besilihka praktis pendiau manah;
16. Ngansak komiti nentuka kuasa pengelantang mensia diberi basa lebuh dipejuraika ba dudi hari bekaul enggau EU-Malaysia FTA enggau mega PCA;
17. Ngasuh presiden iya nganjung resolusyen tu ngagai Komiti, Sapit Presiden Komiti ke Polisi Pengelikun Menua Tasik, parlimen enggau perintah menua ti nyadi kaban, Komisyen Tinggi UN ke kuasa pengelantang men