Sehari tu siti ari beberapa siri filem ti dikeluarka NGO Borneo Project ti bepalan di menua California udah mujur dikeluarka

Gerempung NGO nya udah bebendar amat ngereja pengawa nyukung orang raban bansa asal Sarawak lalu sida udah nunjukka pemalat empas ti dikenataika projek SCORE ti datai ari runding gila Taib, enggau langgur iya ti deka ngaga 12 buah agi tekat, belabuh enggau Baram.

Kampung Borneo nya sebengkah ari kampung ti pemadu tuai di dunya tu, ti kaya enggau utai tumbuh enggau jelu, burung sereta ikan bebanding enggau kampung di menua bukai bap dunya tu.

Enda rindu sereta betemegah kitai ke penerang ti munyi tu, lalu enda gila enti kitai nguji deka ngubah rampa kampung nya nyadika kampung batu ti penuh laban palan pengaga barang sereta enggau tapak endur muai uras ti beracun baka ti ulih dipeda kitai ba menua ti lama udah ‘maju’ sereta ‘mansang’ ti balat dikinginka Taib?

Terang bendar raban bansa asal Sarawak udah nulak lalu enda besetuju enggau orang tuai ti gilaka ‘pemansang’. Peda filem tu lalu lawa’ laman web Borneo Project.